تل ابیب: اسرائیلی اخبار یدیعوت احرونوت نے دعویٰ کیا ہے کہ اسرائیل نے ایران کے ساتھ ممکنہ طور پر دوبارہ جنگ شروع ہونے کے پیش نظر اپنی دفاعی اور جارحانہ فوجی تیاریاں مکمل کرلی ہیں جبکہ اسرائیلی فضائیہ ممکنہ حملوں کے لیے عملی مشقیں بھی کررہی ہے۔
سوون: جنوبی کوریا کی معروف ٹیکنالوجی کمپنی سام سنگ نے بھارت اور جنوبی کوریا میں اپنے گلیکسی اسمارٹ فونز اور ٹیبلٹس پر دستیاب نیوز سروس ’’سام سنگ نیوز‘‘ 21 دسمبر 2026ء سے بند کرنے کا اعلان کردیا ہے۔ سروس کی بندش کے بعد صارفین کو نیوز ویجٹ کے ذریعے تازہ خبروں اور دیگر معلومات کی اپ ڈیٹس موصول نہیں ہوں گی، جبکہ پلیٹ فارم پر محفوظ ان کے پروفائلز اور خبروں سے متعلق ذاتی ترجیحات کا ڈیٹا بھی مستقل طور پر حذف کردیا جائے گا۔
روم؛ اٹلی میں ناقص نظام تعلیم کے باعث جاری حکومت مخالف مظاہرے ملک بھر میں پھیلنے لگ گئے ہیں۔
اسلام آباد:وفاقی وزیر دفاع خواجہ آصف نے جمعیت علمائے اسلام (ف) کی جانب سے خیبرپختونخوا میں گورنر راج کے معاملے میں کوئی حصہ نہ مانگنے کے مؤقف پر ردعمل دیتے ہوئے کہا ہے کہ جے یو آئی کا یہ کہنا معصومیت کا اظہار ہے کہ اس نے گورنر راج میں کبھی حصہ نہیں مانگا، مولانا فضل الرحمن سے اختلافات پہلے بھی رہے ہیں، ماضی میں معاملات اس نہج تک نہیں پہنچے تھے۔
اسلام آباد: وفاقی حکومت نے آئل ریفائنریز کے لیے پیٹرول کی قیمت مقرر کرنے کا فارمولا تبدیل کرتے ہوئے نیا پرائسنگ میکانزم منظور کرلیا ہے، جس کے تحت ریفائنریز کے لیے پیٹرول کی قیمتوں میں پریمیئم اور دیگر اخراجات کو ایک مخصوص مدت کے لیے ایران امریکا جنگ سے پہلے کی سطح پر برقرار رکھا جائے گا۔ نئے طریقہ کار کے تحت درآمدی پیٹرول اور مقامی ریفائنری سے تیار ہونے والے پیٹرول کی قیمت کے درمیان فرق کی رقم پیٹرولیم لیوی کے کھاتے میں جمع کی جائے گی، جسے بعد ازاں پیٹرول پر عوام کو ریلیف فراہم کرنے کے لیے استعمال کیا جائے گا۔
اسلام آباد: پاکستان نے بین الحکومتی گروپ جی 24 کی صدارت باضابطہ طور پر سنبھال لی ہے۔ وفاقی وزیر خزانہ محمد اورنگزیب نے کہا ہے کہ عالمی معاشی پالیسی سازی میں ترقی کو مرکزی حیثیت دلانا پاکستان کی پہلی ترجیح ہوگی جبکہ ترقی پذیر ممالک کی عالمی مالیاتی اداروں میں مؤثر نمائندگی اور عالمی مالیاتی نظام میں اصلاحات بھی اہم ترجیحات میں شامل ہیں۔
دوحہ: آبنائے ہرمز کے قریب پاکستان کے لیے مائع قدرتی گیس (ایل این جی) لے جانے والے بحری جہاز کو حملے کا نشانہ بنایا گیا ہے۔ ٹینکر قطر سے گیس لے کر پاکستان آرہا تھا اور اسے ایران کی جانب سے محفوظ گزرگاہ کی اجازت بھی دی گئی تھی۔ حملے کے نتیجے میں عملے کا کوئی رکن زخمی نہیں ہوا، تاہم جہاز نے اپنا راستہ تبدیل کرکے واپس خلیج کی جانب سفر شروع کردیا۔ ایل این جی ٹینکر کو جمعے کی رات نشانہ بنایا گیا۔ حملے میں جہاز کے عملے کے کسی رکن کو نقصان نہیں پہنچا اور ٹینکر بھی محفوظ ہے، حملے کے اثرات کا جائزہ لیا جارہا ہے۔
زاگرِب: گاڑی میں چابی چھوڑ کر اسے غیر محفوظ حالت میں کھڑا کرنا مہنگا پڑ سکتا ہے، اس کی ایک دلچسپ مثال گاڑیاں تیار کرنے والی معروف کمپنی بوگاٹی ریماک کے چیف ایگزیکٹو میٹ ریماک کے ساتھ پیش آئی، جن کی کروڑوں ڈالر مالیت کی لگژری گاڑی بوگاٹی شیرون کروشیا میں کمپنی کی عمارت کے باہر سے چوری ہوگئی۔ دلچسپ بات یہ ہے کہ گاڑی چوری ہونے کے بعد مالک نے خود دوسری لگژری گاڑی میں بیٹھ کر چور کا تعاقب شروع کردیا۔
اسلام آباد: وزیراعظم شہباز شریف نے خیبرپختونخوا میں پاکستان تحریک انصاف کی 13 سالہ حکمرانی کی کارکردگی پر سوالات اٹھاتے ہوئے پوچھا ہے کہ قومی مالیاتی کمیشن (این ایف سی) ایوارڈ کے تحت صوبے کو ملنے والے 800 ارب روپے کہاں خرچ کیے گئے اور اس رقم سے عوام کو کیا سہولیات فراہم کی گئیں۔
ایمسٹرڈیم: عمر بڑھنے کے ساتھ دماغی صحت اور یادداشت کو بہتر رکھنے کے لیے روزانہ مونگ پھلی کا استعمال مفید ثابت ہوسکتا ہے۔ نیدرلینڈز میں ہونے والی ایک طبی تحقیق میں انکشاف کیا گیا ہے کہ باقاعدگی سے مونگ پھلی کھانے سے دماغ کے بعض حصوں میں انسولین کے ردعمل میں بہتری آسکتی ہے۔
لاہور میں کاؤنٹر ٹیررازم ڈیپارٹمنٹ (سی ٹی ڈی) ہیڈکوارٹرز کی بیرونی دیوار سے ریموٹ کنٹرول ڈرون ٹکرا کر گرگیا، جسے سکیورٹی اہلکاروں نے قبضے میں لے لیا۔ پولیس نے واقعے کو نگرانی اور ریکی کی کوشش قرار دیتے ہوئے نامعلوم ملزمان کی تلاش شروع کردی ہے۔
پشاور: گورنر خیبرپختونخوا فیصل کریم کنڈی نے کہا ہے کہ افغان مہاجرین سے متعلق وفاقی حکومت کی پالیسی پر عمل درآمد کیا جائے گا اور غیر قانونی طور پر پاکستان میں مقیم افغان مہاجرین کو واپس جانا ہوگا، صوبے میں امن و امان کے قیام، ضم اضلاع کی ترقی اور عوامی محرومیوں کے خاتمے کے لیے تمام سیاسی قوتوں کو اختلافات سے بالاتر ہوکر مشترکہ کردار ادا کرنا ہوگا۔
کراچی: ورلڈ بینک نے سندھ میں بلدیاتی سہولیات کی بہتری، شہری انفراسٹرکچر کی بحالی اور پراپرٹی ٹیکس وصولی کے نظام کو مؤثر بنانے کے لیے 15 کروڑ ڈالر کا پروگرام منظور کرلیا ہے۔
امریکا نے دہشت گردی کے معاملے پر ایک بار پھر پاکستان کے مؤقف کی حمایت کردی۔
اسرائیل میں انتخابات کے بعد تل ابیب میں مظاہرین نے عرب جماعتوں کو شامل کرکے مخلوط حکومت تشکیل دینے کا مطالبہ کردیا۔
کرپٹو کرنسی کے تبادلے کے ادارے بائنانس نے سائبر حملے میں چوری ہونے والے اثاثوں میں سے 90 فیصد کی تلافی کردی۔
کراچی: مائع پیٹرولیم گیس (ایل پی جی) کی تاجر تنظیموں نے حکومتی قیمتوں کے نئے فارمولے کے خلاف 16 نومبر سے ملک گیر ہڑتال کا اعلان کردیا۔
