مثبت دن کے باوجود اسٹاک ایکسچینج میں سرمایہ کاروں کو ایک ارب کا نقصان

پاکستان اسٹاک ایکسچینج (پی ایس ایکس) میں آج کاروبار کا مثبت دن رہا، لیکن اس کے باوجود سرمایہ کاروں کو ایک ارب روپے کا نقصان ہوا۔

سندھ صرافہ بازار جیولرز ایسوسی ایشن کے مطابق آج سونے کا بھاؤ 700 روپے بڑھ کر ایک لاکھ 31 ہزار 400 روپے ہے۔

شیئرز بازار کا 100 انڈیکس آج 164 پوائنٹس اضافے سے 43 ہزار 42 پر بند ہوا ہے۔

کاروبار کی بندش سے قبل 100 انڈیکس 352 پوائنٹس کے بینڈ میں رہا، انڈیکس کی بلند ترین سطح 43 ہزار 218 رہی۔

حصص بازار میں آج 18 کروڑ 37 لاکھ شیئرز کا کاروبار 6 ارب 6 کروڑ روپے میں ہوا۔

مارکیٹ کیپٹلائزیشن ایک ارب روپے کم ہو کر 7 ہزار 382 ارب روپے ہے۔

بشکریہ جنگ