کراچی ایئرپورٹ پر لینڈنگ کے دوران پرواز حادثے سے بال بال بچ گئی

کراچی: اسلام آباد سے کراچی آنے والی نجی ایئرلائن کی پرواز خوفناک حادثے سے بال بال بچ گئی۔

رپورٹ کے مطابق کراچی ایئرپورٹ کی لینڈنگ کے دوران پرندہ طیارے سے ٹکرا گیا، پرندہ ٹکرانے سے طیارے کے ریڈوم اور بلک ہیڈ فریموں کو نقصان پہنچا۔

ایئرپورٹ ذرائع کے مطابق خوش قسمتی سے تمام مسافر محفوظ رہے۔

دوسری جانب ذرائع کا کہنا ہے کہ نجی ایئرلائن انتظامیہ نے طیارے کو تکنیکی جانچ اور کلیئرنس تک کراچی میں گراؤنڈ کر دیا ہے۔