شعیب شیخ کے جسمانی ریمانڈ کی منظوری کا تحریری حکم نامہ جاری

ڈسٹرکٹ اینڈ سیشن کورٹ اسلام آباد نے چیئرمین ایگزیکٹ شعیب شیخ کا تین روز کا جسمانی ریمانڈ منظور کرلیا، جس کا تحریری حکم نامہ بھی جاری کردیا گیا۔

شعیب شیخ کا سیشن جج کو رشوت دینے کے کیس کے تحریری حکم نامہ میں عدالت نے کہا کہ ملزم کو 13مارچ کو پیش کیا جائے۔

جوڈیشل مجسٹریٹ عمر شبیر نے 3 صفحات پر مشتمل تحریری حکم جاری کیا ہے۔

جوڈیشل مجسٹریٹ نے کہا کہ شعیب شیخ کے خلاف کیس عام نوعیت کا نہیں ہے، اسلام آباد ہائیکورٹ کی جانب سے شکایت دائر کی گئی جس پر سماعت ہوئی۔

انہوں نے کہا کہ تفتیش کے بغیر شعیب شیخ پر لگائے الزامات کو مسترد نہیں کیا جاسکتا۔

عدالت کا کہنا تھا کہ شعیب شیخ کو رشوت دینے کے الزامات پر مبنی مقدمے میں نامزد کیا گیا ہے۔

تحریری حکم نامے میں مزید کہا گیا کہ تفتیشی افسر کو شعیب شیخ کے خلاف تفتیش کرنے کیلئے وقت دینا ضروری ہے۔

بشکریہ جنگ