بابر اعظم بخار کی وجہ سے دوسری اننگز میں فیلڈ میں نہیں آئے
پاکستان سپر لیگ (پی ایس ایل) 8 کے 27 ویں اور تاریخی میچ پشاور زلمی کے کپتان بابر اعظم بخار کی وجہ سے دوسری اننگز میں فیلڈنگ کےلیے میدان میں نہیں آئے۔
پی ایس ایل کے ہائی اسکورنگ مقابلے میں پشاور زلمی نے ملتان سلطانز کو 243 رنز کا ہدف دیا جو حریف ٹیم نے 19 اعشاریہ 1 اوورز میں 6 وکٹ پر حاصل کرکے ایونٹ میں تاریخ رقم کردی۔
بابر اعظم جنہوں نے عاصم ایوب کے ساتھ اننگز اوپن کی اور 73 رنز کی شاندار اننگز کھیلی وہ بخار میں مبتلا ہوگئے ہیں۔
پشاور زلمی ٹیم کے ترجمان کے مطابق بابر اعظم بخار کی وجہ سے دوسری اننگز میں فیلڈ میں نہیں آئے۔
ترجمان کے مطابق بابر اعظم کی طبیعت ناساز تھی، اُن کی عدم موجودگی میں ٹام کوہلر کیڈمور نے پشاور زلمی کی قیادت کی۔
بشکریہ جنگ
Comments are closed.