فرانس میں بجٹ خسارہ کم کرنے کے لیے 23 ہزار سرکاری ملازمتیں ختم کرنے کی تجویز

فرانس میں سرکاری اخراجات اور بجٹ خسارے پر قابو پانے کے لیے بجٹ میں 23 ہزار سرکاری ملازمتیں ختم کرنے کی تجویز پیش کی گئی ہے، جس پر سرکاری ملازمین میں تشویش پائی جاتی ہے۔
میڈیا رپورٹس کے مطابق فرانسیسی سینیٹ میں دائیں بازو کی اکثریت نے ملازمتوں میں کمی کی سفارش کی ہے، تاہم تعلیم، دفاع، داخلہ اور انصاف کے محکموں کو مجوزہ کٹوتیوں سے مستثنیٰ رکھنے کی تجویز دی گئی ہے۔
سرکاری ملازمین کی تنظیمیں پہلے ہی اس منصوبے پر تحفظات کا اظہار کر چکی ہیں، جبکہ فرانسیسی حکومت کی جانب سے تاحال اس تجویز پر کوئی باضابطہ ردعمل سامنے نہیں آیا۔
بشکریہ روزنامہ جسارت