نواب شاہ میں آوارہ کتوں کے کاٹنے کے واقعات میں تشویشناک اضافہ

نواب شاہ میں آوارہ کتوں کے کاٹنے کے واقعات میں مسلسل اضافہ ہورہا ہے۔

گزشتہ تین ماہ کے دوران 1500 سے زائد افراد سگ گزیدگی کا شکار ہوچکے ہیں، جبکہ اکتوبر میں بھی 125 افراد کو کتوں کے کاٹنے کے واقعات رپورٹ ہوئے۔

شہر میں آوارہ کتوں کی بہتات اور شہریوں پر حملوں کے واقعات کے باوجود صورتحال پر قابو نہیں پایا جاسکا۔

بلدیاتی اداروں کی جانب سے مؤثر اقدامات نہ ہونے پر شہریوں میں تشویش پائی جاتی ہے اور متعلقہ حکام کی خاموشی پر سوالات اٹھنے لگے ہیں۔