بجلی صارفین سے 23 ارب 33 کروڑ روپے وصول کرنے کی درخواست نیپرا میں جمع

بجلی تقسیم کار کمپنیوں نے سہ ماہی ایڈجسٹمنٹ کی مد میں صارفین سے 23 ارب 33 کروڑ روپے وصول کرنے کے لیے نیپرا سے رجوع کرلیا۔

درخواست جولائی سے ستمبر 2026 کی تیسری سہ ماہی ایڈجسٹمنٹ کے تحت جمع کرائی گئی ہے، تاہم فی یونٹ بجلی کی قیمت میں اضافے یا کمی کا حتمی فیصلہ نیپرا کرے گا۔

درخواست میں کیپیسٹی چارجز کی مد میں 38 ارب 92 کروڑ روپے وصول کرنے کی تجویز دی گئی ہے، جبکہ آپریشنز اینڈ مینٹی نینس اخراجات کی مد میں 5 ارب 59 کروڑ 70 لاکھ روپے اضافے کا مطالبہ کیا گیا ہے۔

دوسری جانب انکریمنٹل پیکیج کے اثرات کی مد میں 29 ارب 25 کروڑ روپے کمی کی درخواست بھی کی گئی ہے۔

سہ ماہی ایڈجسٹمنٹ کا اطلاق کے الیکٹرک کے صارفین پر بھی ہوگا۔ نیپرا درخواست پر 17 نومبر کو سماعت کرے گا۔