ویسٹ انڈیز کیخلاف نئے کھلاڑیوں کو موقع ملنا چاہیے، انضمام الحق

پاکستان کرکٹ ٹیم کے سابق کپتان انضمام الحق کا کہنا ہے کہ ٹی ٹوئنٹی کے بعد پہلے ٹیسٹ میں بھی پاکستان ٹیم نے اچھے کھیل کا مظاہرہ کیا، ویسٹ انڈیز کے خلاف ہوم سیریز میں نئے کھلاڑیوں کو موقع ملنا چاہیے۔

لاہور میں میڈیا سے گفتگو کرتے ہوئے انضمام الحق کا کہنا تھا کہ سینئر کھلاڑی ویسٹ انڈیز سیریز میں شامل نہیں تو اس میں کوئی حرج نہیں۔

انہوں نے کہا کہ کھلاڑیوں کو بیک ٹو بیک کرکٹ سیریز کے بعد آرام کا موقع ملنا چاہیے۔

پاکستان کے سابق کپتان انضمام الحق نے بھارت اور نیوزی لینڈ کے درمیان کھیلے جانے والا ٹیسٹ میچ ڈرا ہونے پر اپنے خیالات کا اظہار کرتے ہوئے بھارت کو بدقسمت کہہ دیا۔

سابق کپتان کا کہنا تھا کہ بنگلادیش میں قومی ٹیم کی کارکردگی بہت اچھی رہی، حسن علی، شاہین آفریدی اور عابد علی نے بہت اچھا پرفارم کیا۔

انضمام الحق نے کہا کہ ٹیسٹ میچ کے علاوہ قومی ٹیم کی ٹی ٹوئنٹی میں بھی اچھی پرفارمنس رہی۔

بشکریہ جنگ