جمعرات 4؍ذیقعد 1444ھ25؍مئی 2023ء

ویانا میں مشہور برانڈ کے مفت کپڑے خریدنے کیلئے لوگوں نے بھگدڑ مچا دی

آسٹریا کے دارالحکومت ویانا میں مشہور اسٹریٹ ویئر برانڈ نے اپنے پہلے اسٹور کا افتتاح کرنے کے لیے پہلے روز اپنے کپڑے مفت میں بیچنے کا اعلان کیا تو پورے شہر نے اس نئے اسٹور کا رُخ کرلیا اور شہر بھر میں بھگدڑ مچ گئی۔

ویانا سے سوشل میڈیا پر کچھ ویڈیوز وائرل ہورہی ہیں جن میں شہر کے لوگوں کو مشہور اسٹریٹ ویئر برانڈ’ریئر ہیومینز‘ کے پہلے اسٹور کی افتتاح ہوتے ہی شہریوں کو برانڈ کے مفت کپڑے لینے کے لیے اسٹور کا رُخ کرتے اور اسٹور میں گُھس کر کپڑوں پر جھپٹتے ہوئے دیکھا جاسکتا ہے۔

A post shared by DIVA Magazine Pakistan (@divamagazinepakistan)

مذکو رہ صورتحال کے پیش نظر سینکڑوں لوگ اسٹور پر پہنچ گئے اور شہر میں ہنگامہ خیز حالات پیدا ہوگئے یہاں تک کہ صورتحال پر قابو پانے کے لیے پولیس کو مداخلت کرنی پڑی۔

ویانا میں پیش آنے والے اس واقعے کی وائرل  ویڈیوز پر پاکستانی سوشل میڈیا صارفین کی جانب سے بہت دلچسپ تبصرے کیے جارہے ہیں۔

 

بشکریہ جنگ
You might also like

Comments are closed.