مانچسٹر ٹیسٹ سے قبل بھارتی کرکٹ ٹیم کورونا کا شکار

مانچسٹر ٹیسٹ سے قبل بھارتی کرکٹ ٹیم عالمی وبا کورونا وائرس کا شکار ہوگئی۔

بین الاقوامی میڈیا رپورٹس کے مطابق بھارتی ٹیم کے اسپورٹ اسٹاف میں شامل ایک اور فرد کورونا وائرس میں مبتلا ہوگیا ہے۔

بھارتی ٹیم کا جمعرات کو شیڈول پریکٹس سیشن منسوخ کردیا گیا ہے جبکہ کھلاڑیوں کو کمروں میں ہی قرنطینہ کردیا گیا ہے۔

واضح رہے کہ مانچسٹر ٹیسٹ سے قبل بھارتی ہیڈ کوچ روی شاستری بھی کورونا وائرس کا شکار ہوچکے ہیں۔

دو روز قبل تین دیگر اسپورٹ اسٹاف ممبران کے بھی کورونا ٹیسٹ مثبت آئے تھے۔

بشکریہ جنگ