شاہ محمود کا احتجاج نہ کرنے کا بیان دینے سے گریز
پاکستان تحریک انصاف (پی ٹی آئی) کے وائس چیئرمین شاہ محمود قریشی کا احتجاج نہ کرنے کا بیان دینے سے گریز سامنے آیا ہے۔
شاہ محمود قریشی کارکنوں کو تشدد پر نہ اکسانے سے متعلق بیان حلفی دینے سے گریز کررہے ہیں۔ اڈیالہ جیل سے ان کی رہائی ممکن نہ ہوسکی، جبکہ عدالت سے تحریری فیصلہ بھی جاری نہ ہوسکا۔
ایک بیان میں وائس چیئرمین پی ٹی آئی نے کہا کہ عدالتوں کا احترام ہے لیکن پرامن احتجاج سیاسی جماعتوں کا جمہوری حق ہے۔
شاہ محمود قریشی کے وکیل کے مطابق میرے موکل ایسا اقرار نامہ نہیں دینا چاہتے، جس سے اُن کے سیاسی اور جمہوری حقوق متاثر ہوں۔
اسلام آباد ہائیکورٹ نے گزشتہ روز شاہ محمود کی رہائی کو آئندہ اس قسم کے احتجاج کا حصہ نہ بننے اور تشدد پر نہ اکسانے سے متعلق انڈر ٹیکنگ سے مشروط کیا تھا۔
بشکریہ جنگ
Comments are closed.