رواں ہفتے 22 اشیاء کی قیمتوں میں اضافہ ہوا: ادارۂ شماریات

ادارہ ٔشماریات کا کہنا ہے کہ ملک بھر میں رواں ہفتے کے دوران 22 اشیاء کی قیمتوں میں اضافہ ہوا ہے۔

ادارہ ٔشماریات کی رپورٹ کے مطابق رواں ہفتے کے دوران ٹماٹر، آلو، گھی، ایل پی جی کے گھریلو سلینڈر سمیت 22 اشیاء کی قیمتوں میں اضافہ ہوا ہے۔

ادارہ برائے شماریات پاکستان نے منہگائی پر ہفتہ وار رپورٹ جاری کی ہے۔ جس کے مطابق حالیہ ہفتے کے دوران منہگائی میں 0.45 فی صد اضافہ ہوا۔

اپنی رپورٹ میں ادارۂ شماریات نے کہا ہے کہ مہنگائی کی مجموعی شرح 12 اعشاریہ 66 فیصد رہی جبکہ سب سے کم آمدن والے طبقے کے لیے مہنگائی 14 اعشاریہ 12 فیصد پر پہنچ گئی ہے۔

حکومت نے موسم کے لحاظ سے بجلی و گیس کی قیمتوں کے تعین کی تجویز پر غور شروع کردی ہے۔

ادارۂ شماریات کے مطابق کراچی میں آٹے کے 20 کلو کے تھیلے کی قیمت 1500 روپے تک ہے جبکہ پنجاب کے تمام بڑے شہروں میں قیمت 1100 روپے ہے۔

بشکریہ جنگ