رفح: اسرائیلی فوج کا عمارت پر حملہ، 15 فلسطینی شہید

اسرائیلی فوج نے رفح میں رہائشی عمارت پر حملہ کر کے 15 فلسطینیوں کو شہید کر دیا۔

ادھر اسرائیلی میڈیا کا کہنا ہے کہ اسرائیلی فوج نے غزہ میں اپنے 1 اور فوجی کی ہلاکت کی تصدیق کی ہے۔

برطانیہ میں سعودی سفیر شہزادہ خالد بن بندر بن سلطان کا کہنا ہے کہ اسرائیل سے تعلقات آزاد فلسطینی ریاست کے قیام سے مشروط ہیں۔

اسرائیلی فوج کے مطابق غزہ میں زمینی آپریشن میں ہلاک ہونے والے اسرائیلی فوجیوں کی تعداد 186 ہو گئی ہے۔

اسرائیلی میڈیا نے یہ بھی بتایا ہے کہ گزشتہ روز غزہ میں 9 اسرائیلی فوجی مارے گئے تھے۔

بشکریہ جنگ