جوتا اٹھا کر جشن کیوں منایا؟ صارف کا تبریز شمسی سے سوال

ٹوئٹر صارف نے جنوبی افریقا کے کرکٹر تبریز شمسی سے سوال کیا کہ جوتا اٹھا کر جشن منانے کے پیچھے کیا کہانی ہے؟

سماجی رابطے کی ویب سائٹ ٹوئٹر پر تبریز شمسی نے صارف کو جواب دیتے ہوئے کہا ہے کہ جب بولر وکٹ لیتا ہے تو کبھی کبھار امپائر تھرڈ امپائر سے تصدیق کرتا ہے یہ آؤٹ ہے کہ نہیں ہے۔

تبریز شمسی نے کہا کہ اسی طرح میں بھی تھرڈ امپائر کو نمبر ملاتا ہوں اور پوچھتا ہوں یہ آؤٹ ہے کہ نہیں۔

تبریز شمسی نے کہا کہ اس کا ہرگز مطلب مخالفین کی ہتک عزت نہیں ہے۔

ایچ بی ایل پی ایس ایل میں کراچی کنگز کی نمائندگی کرنے والے تبریز شمسی نے کہا کہ ایسی کوئی بات نہیں ہے، جوتے سے فون ملانا جشن کے اظہار کا طریقہ ہے۔

واضح رہے کہ تبریز شمسی وکٹ لینے کے بعد اپنا جوتا اتار کر نمبر ڈائل کرتے ہیں اور اسے کان سے لگاتے ہیں۔

بشکریہ جنگ