جام کمال کیخلاف تحریکِ عدم اعتماد جمع ہو چکی، عبدالقدوس بزنجو

بلوچستان اسمبلی کے اسپیکر عبدالقدوس بزنجو نے کہا ہے کہ وزیرِ اعلیٰ بلوچستان جام کمال کے خلاف تحریکِ عدم اعتماد جمع ہو چکی ہے، اب اسمبلی میں فیصلہ ہو گا۔

جاری کیئے گئے ایک بیان میں اسپیکر بلوچستان اسمبلی عبدالقدوس بزنجو کا کہنا ہے کہ وزیرِ اعلیٰ بلوچستان جام کمال تحریک کا مقابلہ کرنا چاہتے ہیں تو مقابلہ کر لیں۔

کوئٹہ (آن لائن/نمائندہ جنگ )وزیراعلیٰ بلوچستان…

انہوں نے یہ بھی کہا کہ قواعد کے مطابق تحریک 20 اکتوبر کو اسمبلی میں پیش ہو جائے گی۔

دوسری جانب وزیرِ اعلیٰ جام کمال نے عبدالقدوس بزنجو کو بطور اسپیکر غیر جانبدار رہنے اور حلف کی پاسداری کا مشورہ دیا ہے۔

اسد بلوچ نے کہا کہ ہم ناراض گروپ نہیں بلکہ متحدہ گروپ ہیں، سیاسی بحران سے بہت سے مسائل پیدا ہوگئے ہیں، جام کمال بازی ہار گئے ہیں۔

بی اے پی کے ناراض رکن ظہور بلیدی کہتے ہیں کہ تحریک پر 14 ارکان کے دستخط ہیں، جام کمال کا تحریک کا مقابلہ کرنے کا فیصلہ ان کا حق ہے۔

بشکریہ جنگ