ایم کیو ایم نے قانونی ٹیم کو مشاورت کیلئے طلب کرلیا

الیکشن کمیشن آف پاکستان کے کراچی اور حیدرآباد میں بلدیاتی الیکشن کروانے کے فیصلے کے بعد متحدہ قومی موومنٹ (ایم کیو ایم) پاکستان نے قانونی ٹیم کو مشاورت کیلئے طلب کرلیا۔

ذرائع کا کہنا ہے کہ قانونی ٹیم سے مختلف پہلوؤں پر مشاورت کی جائے گی۔

احتساب عدالت میں میڈیا سے گفتگو کرتے ہوئے رؤف صدیقی نے کہا کہ ہم اس ظلم کو تسلیم نہیں کر سکتے۔

واضح رہے کہ الیکشن کمیشن آف پاکستان نے بلدیاتی انتخابات ملتوی کرنے کی حکومت سندھ کی درخواست مسترد کردی اور کہا ہے کہ کراچی، حیدرآباد میں بلدیاتی انتخابات کل ہی ہوں گے۔

ترجمان صوبائی الیکشن کمیشن کے مطابق بلدیاتی انتخابات شیڈول کے مطابق 15 جنوری کو ہوں گے۔

الیکشن کمیشن کے جاری اعلامیے میں سندھ حکومت کو پُر امن انتخابات کے لئے فول پروف انتظامات کرنے کی ہدایت کی گئی ہے۔

بشکریہ جنگ