بدھ14؍شوال المکرم 1442ھ26؍مئی 2021ء

آسٹریلیا ویسٹ انڈیز ODI ٹاس کے بعد کووڈ کے سبب ملتوی

ویسٹ انڈیز کے کرکٹ اسکواڈ میں شامل ایک فرد کے کویڈ 19 ٹیسٹ کی رپورٹ مثبت آنے کے باعث آسٹریلیا اور ویسٹ انڈیز کے درمیان دوسرے ون ڈے کا کھیل شروع ہونے سے چند منٹ قبل ملتوی کرنا پڑا، کھلاڑی، میچ آفیشلز اور ٹیلی ویژن کا عملہ ہوٹل میں آئی سولیشن میں چلا گیا ۔

ویسٹ انڈیز اور آسٹریلیا کے درمیان دوسرے ون ڈے میچ کا ٹاس تو ہوا لیکن کھیل شروع نہ ہو سکا ، ہوم اسکواڈ میں شامل ایک اسٹاف ممبر کے مثبت کوویڈ 19 ٹیسٹ کے نتیجہ کی وجہ سے میچ ملتوی کردیا گیا ہے ۔

دونوں ٹیموں کے ممبران اور میچ آفیشلز کو فوری طور پر ٹیم ہوٹل میں آئی سولیشن میں بھیج دیا گیا ہے، اب تمام افراد کے ٹیسٹ کے تمام نتائج کی تصدیق ہونے کے بعد میچ کے دوبارہ کھیلے جانے کا فیصلہ کیا جائے گا۔

واضح رہے کہ پاکستان ٹیم بھی سیریز کھیلنے کے لیے ویسٹ انڈیز میں موجود ہے۔

بشکریہ جنگ
You might also like

Comments are closed.