ماسکو میں نمازِ عید کے روح پرور مناظر کی ویڈیو وائرل

روس کے مسلمانوں نے جمعے کو رمضان کے مقدس مہینے کے اختتام پر عید الفطر منائی۔

عید الفطر کے موقع پر مختلف خاندان اور دوست اکٹھے ہوتے، تحائف کا تبادلہ کرتے اور ایک دوسرے کی دعوتیں کرتے ہیں۔

دنیا بھر کے مسلمانوں کے طرح روس میں بھی یہ تہوار بڑے جوش و خروش سے منایا جاتا ہے اور ملک بھر کی مساجد میں خصوصی دعاؤں اور تقریبات کا انعقاد کیا جاتا ہے۔

ماسکو کیتھیڈرل مسجد جو روس کی سب سے بڑی مسجدوں  میں سے ایک ہے وہاں ہزاروں نمازیوں کو عید کی نماز کے لیے جمع ہوتے دیکھا گیا۔

شہر میں نمازِ عید کی ادائیگی کے روح پرور مناظر کی ویڈیو سوشل میڈیا پر وائرل ہو رہی ہے۔

اس ویڈیو کو سوشل میڈیا صارفین کی جانب سے بہت پسند کیا جا رہا ہے۔

بشکریہ جنگ