ڈی آئی خان: ٹرالی نہر میں گرنے کی ویڈیو آ گئی

پنجاب کے ضلع ڈیرہ غازی خان میں ٹرالی نہر میں گرنے کے وقت کی سی سی ٹی وی ویڈیو منظرِ عام پر آ گئی۔

ڈیرہ غازی خان میں دربار سخی سرور جانے والی زائرین سے بھری ٹریکٹر ٹرالی نہر میں جا گری تھی۔

ریسکیو ذرائع کے مطابق ٹریکٹر ٹرالی پر 20 سے زائد افراد سوار تھے، حادثے کے نتیجے میں 6 افراد لاپتہ ہو گئے تھے۔

ڈیرہ غازی خان میں سخی سرور روڈ پر زائرین کی ٹریکٹر ٹرالی نہر میں گر گئی، حادثے میں 3 افراد جاں بحق ہوگئے جبکہ دیگر کی تلاش جاری ہے۔

ریسکیو ذرائع نے بتایا ہے کہ لاپتہ ہونے والے 6 افراد میں سے 5 افراد کی لاشیں نکال لی گئیں، جبکہ لاپتہ ایک شخص کی تلاش جاری ہے۔

موقع پر ریسکیو ٹیم کے ساتھ مقامی غوطہ خور بھی امدادی سرگرمیوں میں مصروف ہیں۔

حادثے کا شکار ہونے والی ٹرالی پر بڑی تعداد میں خواتین اور بچے بھی سوار تھے۔

بشکریہ جنگ