ن لیگ کے 7 ارکان ووٹ کاسٹ کرنے ہی نہیں آئے، پی ٹی آئی قیادت کا انکشاف

پاکستان تحریک انصاف (پی ٹی آئی) کی قیادت نے انکشاف کیا ہے کہ پنجاب اسمبلی میں ن لیگ کے 7 ارکان ووٹ کاسٹ  کرنے ہی نہیں آئے۔

پی ٹی آئی نے کہا کہ یہ 7 لیگی ارکان گھروں میں بیٹھے رہے، ان کا ووٹ بھی انتخاب میں شمار کر لیا گیا۔

سپریم کورٹ نے پارٹی سربراہ کا منحرف رکن کے خلاف ایکشن لینے یا نہ لینے کا اختیار ختم کیا تھا۔

ڈپٹی اسپیکر کی رولنگ کے خلاف تحریک انصاف اور ق لیگ کا ہنگامی اجلاس ہوا۔

اجلاس میں پرویز الہٰی، شاہ محمود، اسد عمر، شفقت محمود، عمر ایوب، علی امین گنڈا پور شریک ہوئے۔

پی ٹی آئی کے 186 ارکان اسمبلی بھی اجلاس میں شریک ہوئے، جس میں تحریک انصاف اور ق لیگ نے ڈپٹی اسپیکر کا فیصلہ مسترد کردیا۔

چوہدری پرویز الہٰی نے کہا کہ ہمارے 186 ارکان متحد ہیں، ہماری گنتی واضح ہوگئی، ہمارے 186 ارکان چٹان کی طرح کھڑے ہیں۔

بشکریہ جنگ