معروف فرانسیسی صحافی وینیسا ڈونیاک 54 برس کی عمر میں انتقال کر گئیں

فرانس کی معروف خاتون صحافی اور جنوبی ایشیا کی ممتاز نامہ نگار وینیسا ڈونیاک 54 برس کی عمر میں پیر کو پیرس میں سرطان کے باعث انتقال کر گئیں۔

وینیسا ڈونیاک نے تقریباً 25 سال بھارت اور جنوبی ایشیا میں صحافتی خدمات انجام دیں۔ انہوں نے بھارت کے علاوہ پاکستان، کشمیر، نیپال، بنگلہ دیش اور سری لنکا کے سیاسی، سماجی اور انسانی حقوق سے متعلق اہم واقعات کی رپورٹنگ کی۔

وہ فرانسیسی روزنامہ لے موند سمیت مختلف بین الاقوامی اخبارات اور دیگر معروف مطبوعات سے وابستہ رہیں۔ ان کی رپورٹنگ میں خطے کے سیاسی تنازعات، شورش زدہ علاقوں اور عام شہریوں کے مسائل کو خصوصی اہمیت حاصل رہی۔

فروری 2024ء میں بھارتی حکومت نے ان کے رہائشی اجازت نامے کی تجدید سے انکار کر دیا تھا، جس کے باعث انہیں بھارت چھوڑنا پڑا۔