نیو جرسی سے ڈاکٹر آدم حموی پہلے مسلم رکنِ کانگریس منتخب

ڈاکٹر آدم حموی—فائل فوٹو

غزہ میں زخمی فلسطینیوں کاعلاج کرنے والے مصری نژاد امریکی ڈاکٹر آدم حموی نیو جرسی سے رکنِ کانگریس منتخب ہو گئے۔

امریکی میڈیا کے مطابق ایوان نمائندگان کے رکن منتخب ہونے والے آدم حموی نے اسرائیل کو امریکی فوجی امداد بند کرنے کا مطالبہ کیا ہے۔

ڈیموکریٹ امیدوار آدم حموی نے ری پبلکن گریگ میل کو شکست دے دی، نیو جرسی سے کانگریس میں پہنچنے والے وہ پہلے مسلمان ہیں، جبکہ وہ امریکی کانگریس کے پہلے مصری نژاد رکن بھی ہوں گے۔

امریکی امداد کے خاتمے کے بعد آرڈر شدہ طیاروں و ہتھیاروں کی ادائیگی کیسے ہو گی؟ اسرائیلی حکام نے سر جوڑ لیے

امریکی فوج کے سابق سرجن آدم حموی 2024ء اور 2025ء میں غزہ میں زخمیوں کا علاج کر چکے ہیں، اس کے علاوہ وہ عراق جنگ میں بھی خدمات انجام دے چکے ہیں۔

نومنتخب ڈیموکریٹ رکن صحت کی سہولتوں اور سستے گھر دینے کے حامی ہیں، آدم حموی نے غیر قانونی تارکینِ وطن کو شہریت دینے کی حمایت بھی کی ہے۔