کوہلی کے بعد ویون رچرڈز اور ہاشم آملہ کا بھی بابر نے ریکارڈ توڑ دیا

پاکستان کرکٹ ٹیم  کے کپتان بابر اعظم نے ایک اور ریکارڈ اپنے نام کر لیا، انہوں نے ون ڈے انٹرنیشنلز میں 5 ہزار رنز مکمل کرلیے۔

بابر اعظم 5  ہزار ون ڈے رنز کرنے والے تیز ترین بیٹر بن گئے، بابر اعظم 100 سے کم اننگز میں 5 ہزار رنز کرنے والے پہلے کرکٹر ہیں۔

قومی ٹیم کے کپتان بابر اعظم نے 97 اننگز میں یہ سنگ میل عبور کیا، جنوبی افریقا کے ہاشم آملہ نے 101 میچز میں 5 ہزار رنز بنائے تھے۔

ویسٹ انڈیز سر ویون رچرڈز اور بھارت کے ویرات کوہلی نے 114، 114 اننگز کھیل کر 5 ہزار رنز کیے تھے۔

بابر اعظم 5 ہزار ون ڈے رنز کرنے والے 14ویں پاکستانی ہیں۔

بشکریہ جنگ