کل نکالی جانیوالی پی ٹی آئی کی ریلی کا شیڈول جاری

پاکستان تحریک انصاف (پی ٹی آئی) نے کل 13 مارچ کو ایک بار پھر لاہور میں ریلی نکالنے کا اعلان کردیا، جس کی قیادت چیئرمین تحریک انصاف عمران خان کریں گے۔

صدر پی ٹی آئی لاہور شیخ امتیاز نے پی ٹی آئی کی 13 مارچ کی ریلی کا شیڈول جاری کردیا۔

مریم نواز نے اپنے ٹوئٹر پیغام میں عمران خان کی تصویر شیئر کرتے ہوئے اس پر تبصرہ کیا ہے۔

شیڈول کے مطابق ریلی دوپہر 2 بجے زمان پارک سے نکلے گی جو علامہ اقبال روڈ، ریلوے اسٹیشن اور شاہ عالم مارکیٹ چوک سے ہوتی ہوئی داتا دربار پہنچ کر اختتام پذیر ہوگی۔

اس سے قبل چیئرمین پی ٹی آئی عمران خان نے گزشتہ روز لاہور میں آج ریلی نکالنے کا اعلان کیا تھا، جس کے بعد نگراں پنجاب حکومت نے لاہور میں دفعہ 144 نافذ کرنے کے ساتھ رینجرز کی تعیناتی کےلیے وزرات داخلہ کو مراسلہ بھی بھجوایا تھا۔

بشکریہ جنگ