کراچی میں پی ٹی آئی کے دو ایم پی ایز کے خلاف ایک اور مقدمہ درج

پاکستان تحریک انصاف (پی ٹی آئی) کے ایم پی اے راجہ اظہر اور ارسلان تاج کے خلاف ایک اور مقدمہ درج کر لیا گیا۔

پی ٹی آئی رہنماؤں کے خلاف مقدمہ لانڈھی تھانے میں سرکار کی مدعیت میں درج کیا گیا۔

ایف آئی آر کے مطابق پی ٹی آئی رہنماؤں نے تقریر میں ریاستی اداروں کے خلاف نازیبا الفاظ استعمال کیے۔

مقدمے کے متن میں کہا گیا کہ رہنماؤں نے اپنی تقاریر سے احتجاج کے شرکا کو بھی اکسایا۔

بشکریہ جنگ