کراچی: ملیر کے نالے سے نوجوان کی لاش برآمد

کراچی کے علاقے ملیر میں برساتی نالے سے نوجوان کی لاش ملی ہے، پولیس کے مطابق جاں بحق نوجوان ممکنہ طور پر جمعرات کو ہونے والی بارش میں نالے میں گر گیا تھا۔

نوجوان کی لاش ملیر کالا بورڈ کے قریب واقع برساتی نالے سے ملی ہے، جاں بحق نوجوان کی شناخت 18 سالہ حافظ سید دانیال کے نام سے ہوئی ہے۔

لاہور کی نشتر کالونی سے اغواء ہونے والے 8 سالہ بچے کی لاش قریبی نالے سے برآمد ہو گئی، لاش کو پوسٹ مارٹم کے لیے بھجوا دیا گیا ہے۔

دانیال سعود آباد کا رہائشی تھا اور جمعرات سے لا پتہ تھا، نوجوان کے اہلِ خانہ نے گزشتہ روز پولیس سے رابطہ کیا۔

نوجوان کی تلاش کا کام شروع کیا گیا تاہم ملیر کالا بورڈ کے قریب نالے کا پانی کم ہوا تو علاقہ مکینوں کو لاش دکھائی دی۔

گزشتہ روز کی بارش کے دوران کراچی کے مختلف علاقوں میں کرنٹ لگنے سے 3 افراد جاں بحق ہوئے ہیں۔

نوجوان کی لاش کو جناح اسپتال منتقل کیا گیا جہاں اس کے اہلِ خانہ نے اس کی شناخت کی۔

پولیس کا کہنا ہے کہ ممکنہ طور پر جمعرات کو ہونے والی بارش کے دوران دانیال نالے میں گر کر جاں بحق ہوا تھا۔

بشکریہ جنگ