کراچی: مرغی کے بعد گائے کے گوشت کی قیمت بھی بڑھ گئی

کراچی میں مرغی کے بعد گائے کے گوشت کی قیمت بھی 50 روپے فی کلو بڑھا دی گئی۔

اس حوالے سے چیئرمین میٹ مرچنٹس ایسوسی ایشن ندیم قریشی نے کہا کہ سپلائی کم ہے مال ایکسپورٹ ہورہا ہے۔

اُنہوں نے کہا کہ ایکسپورٹرز مویشی پالنے کے بجائے مقامی منڈی سے خریداری کر رہے ہیں۔ 

کوئٹہ میں مرغی، بکرے اور گائے کے گوشت کی مہنگے داموں فروخت جاری ہے جس میں آئے دن مزید اضافہ ہی ہو رہا ہے۔

دوسری جانب دکانداروں کا کہنا ہے کہ گائے کے گوشت کی قیمت میں اضافہ عید قرباں کی خریداری کے سبب بھی ہوا ہے۔

صارفین نے بتایا کہ گائے کا ہڈی والا گوشت 700 اور بغیر ہڈی 750 روپےکلو مل رہا ہے۔

بشکریہ جنگ