بدھ14؍شوال المکرم 1442ھ26؍مئی 2021ء

کراچی ایکسپو سینٹر میں ویکسینیشن اتوار کے روز بھی جاری

شہرِ قائد کراچی میں واقع ایکسپو سینٹر میں ماس کورونا ویکسینیشن سینٹر اتوار کے روز بھی فعال ہے۔

کراچی کے ایکسپو سینٹر میں ماس ویکسینیشن کا عمل اتوار کے روز (آج بھی) جاری ہے، ایکسپو سینٹر میں ہفتے کے 7 دنوں میں 24 گھنٹے ویکسینیشن جاری ہے۔

شہریوں کی بڑی تعداد ایکسپو سینٹر میں کورونا وائرس کی ویکسین لگوانے آرہی ہے۔

ملک بھر میں اسپتالوں، قرنطینہ سینٹرز اور گھروں میں کورونا وائرس کے کُل 32 ہزار 241 مریض زیرِ علاج ہیں، جن میں سے 1 ہزار 941 مریضوں کی حالت تشویش ناک ہے، جبکہ کُل 9 لاکھ 291 مریض اب تک اس بیماری سے شفایاب ہو چکے ہیں۔

واضح رہے کہ کورونا وائرس کی جاری تیسری لہر کے دوران پاکستان کورونا مریضوں کی تعداد کے حوالے سے مرتب کی گئی فہرست میں 29 ویں نمبر پر ہے، ملک میں کورونا سے اموات میں غیر معمولی کمی دیکھنے میں آئی ہے۔

نیشنل کمانڈ اینڈ کنٹرول سینٹر (این سی او سی) کے اعداد و شمار کے مطابق پاکستان میں گزشتہ 24 گھنٹوں کے دوران کورونا وائرس کے مزید 901 کیسز سامنے آئے ہیں، مزید 23 افراد اس موذی وباء کے سامنے زندگی کی بازی ہار گئے، مزید 1 ہزار 347 مریض شفایاب ہو گئے، جبکہ مثبت کیسز کی شرح 2 اعشاریہ 02 فیصد رہی۔

امریکا میں دواؤں کے ضابطہ کار ادارے ایف ڈی اے نے خبردار کر دیا، تاہم یہ رسک محدود ہے

ملک بھر میں کورونا وائرس سے انتقال کرنے والوں کی مجموعی تعداد 22 ہزار 211 ہو گئی ہے، جبکہ کُل کورونا مریضوں کی تعداد 9 لاکھ 54 ہزار 743 ہو چکی ہے۔

بشکریہ جنگ
You might also like

Comments are closed.