پولو ٹیم کے تمام قیمتی گھوڑے مبینہ طور پر لاپتا ہوگئے

پولو ٹیم کے تمام قیمتی گھوڑے دیوسائی سے مبینہ طور پر لاپتا ہوگئے۔

صدر پولو ایسوسی ایشن رانا فاروق کا کہنا ہے کہ ہمارے درجن کے قریب گھوڑے لاپتا ہیں۔

رانا فاروق نے کہا کہ قیمتی گھوڑے لاپتا ہونے کی وجہ اچانک ہونے والی برف باری ہوسکتی ہے۔

انہوں نے بتایا کہ پولو میچ کے ایک گھوڑے کی قیمت 10 لاکھ سے 25 لاکھ تک ہوتی ہے۔

رانا فاروق کا کہنا تھا کہ گھوڑوں کو اپنی مدد آپ کے تحت تلاش کیا گیا مگر کامیابی نہیں ملی۔

انہوں نے کہا کہ وزیراعلیٰ گلگت بلتستان، اعلیٰ حکام اور ریسکیو ادارے گھوڑوں کی تلاش میں مدد کریں۔

بشکریہ جنگ