پاکستان کو کورونا ویکسین کی مزید 2 کھیپ ملنے کا امکان

وزارت صحت کا کہنا ہے کہ رواں ماہ پاکستان کو کورونا ویکسین کی مزید 2 کھیپ ملنے کا امکان ہے۔

ذرائع وزارت صحت کے مطابق پاکستان کو کورونا ویکسین کی نئی کھیپ چین سے ملے گی، ویکسین کی چوتھی کھیپ26 مارچ کو اسلام آباد پہنچنے کا امکان ہے۔

وزارت صحت کے ذرائع کا کہنا ہے کہ پاکستان کو کین سائنو ویکسین کی 60 ہزار ڈوزز ملیں گے۔

پاکستان میں 24 گھنٹے کے دوران کورونا ٹیسٹ مثبت آنے کی شرح 8 اعشاریہ 2 فیصد رہی، کورونا وائرس سے ایک دن میں مزید 72 افراد جاں بحق ہوگئے۔

حکام وزارت صحت نے بتایا ہے کہ کین سائنو ویکسین کی پہلی کھیپ پاکستان پہنچ رہی ہے،جس کے بعد سائنو فام ویکسین کی 10لاکھ ڈوزز بھی اسی ماہ پاکستان پہنچ جائیں گی۔

بشکریہ جنگ