i hate liars poems hot asia girls free matrimonial site online personal ad sites farnham thai flirting app for married seeking true love

بدھ14؍شوال المکرم 1442ھ26؍مئی 2021ء

ٹھپہ مافیا کو الیکٹرانک ووٹنگ مشین پر اعتراض ہے: فرخ حبیب

وزیرِ مملکت برائے اطلاعات و نشریات فرخ حبیب کا کہنا ہے کہ ٹھپہ مافیا کی جانب سے الیکٹرانک ووٹنگ مشین پر اعتراض کیا جا رہا ہے۔

فیصل آباد میں وزیرِ مملکت برائے اطلاعات و نشریات فرخ حبیب نے میڈیا سے گفتگو کرتے ہوئے کہا کہ ملک میں جمہوریت کو مضبوط کرنے کے لیے شفاف انتخابات کے لیے اصلاحات ضروری ہیں۔

ان کا کہنا ہے کہ تحریکِ انصاف کی حکومت صرف اصلاحات پر کام کر رہی ہے، اپوزیشن چوچوں کا مربہ ہے، جس نے اصلاحات کی کوئی تجویز نہیں دی۔

وزیر مملکت برائے اطلاعات و نشرایت فرخ حبیب نے کہا ہے کہ آئندہ الیکشن میں سندھ نے بھی پیپلز پارٹی کو الوداع کرنے کا ارادہ کرلیا ہے۔

فرخ حبیب نے کہا کہ ہر الیکشن کے بعد دھاندلی کا شور مچایا جاتا ہے، سپریم کورٹ آف پاکستان نے کہا کہ اصلاحات لائیں، اوورسیز کو حق دیں۔

انہوں نے کہا کہ الیکشن کمیشن نے اپنی ہی استعدادِ کار پر اعتراضات اٹھائے ہیں، الیکشن کمیشن کے اعتراضات میڈیا پر پہلے، حکومت کے پاس بعد میں پہنچتے ہیں۔

وزیرِ مملکت برائے اطلاعات و نشریات نے کہا کہ الیکشن کمیشن پریس ریلیز کے ذریعے ایسا تاثر دیتا ہے جیسے انتخابی اصلاحات کے خلاف ہے۔

وزیرمملکت فرخ حبیب کا کہنا ہے کہ ادھار اور مانگے تانگے کا قرض لےکرپچھلی حکومتیں ترقی دکھا رہی تھیں، کورونا کے باوجود پاکستان کی معیشت اوپر گئی ہے۔

انہوں نے سوال کیا کہ شہباز شریف اور مریم نوازبتائیں کہ ان کے پاس شفاف الیکشن کرانے کے لیے کیا تجاویز ہیں؟

فرخ حبیب کا مزید کہنا ہے کہ ٹیکنالوجی ہر شعبے میں استعمال ہو رہی ہے، انتخابات میں اس کے استعمال پر اعتراض کیا جا رہا ہے۔

وزیرِ مملکت برائے اطلاعات و نشریات نے یہ بھی کہا ہے کہ پارلیمنٹ سپریم ہے، حتمی فیصلے پارلیمان نے ہی کرنے ہیں۔

بشکریہ جنگ
You might also like

Comments are closed.