وزراء کی پریس کانفرنس پر مریم اورنگزیب کا ردعمل

اپوزیشن کی سب سے بڑی جماعت مسلم لیگ (ن) کی ترجمان مریم اورنگزیب کا وفاقی وزراء کی پریس کانفرنس پر ردعمل سامنے آیا ہے۔

اسلام آباد سے جاری بیان میں مریم اورنگزیب نے کہا کہ تین وزیر مریم نواز شریف کو جواب دینے کےلیے ڈسکہ آئے۔

انہوں نے کہا کہ آٹا، چینی چور وزیروں کو عوام کی نہیں بلکہ مریم نواز کی تقریر کا جواب دینے کی فکر ہے۔

ن لیگی ترجمان نے مزید کہا کہ کرائے کے ترجمان ڈسکہ میں چھُپ کر اپنی غنڈہ گردی کا دفاع کر رہے تھے۔

بشکریہ جنگ