بدھ14؍شوال المکرم 1442ھ26؍مئی 2021ء

نوجوت سدھو 20 نومبر کو پاکستان آئیں گے: بھارتی میڈیا

بھارتی سیاستدان و سابق کرکٹر نوجوت سنگھ سدھو کرتارپور میں بابا گرونانک کی سالگرہ کی تقاریب میں شرکت کے لیے 20 نومبر کو پاکستان آئیں گے۔

بھارتی میڈیا رپورٹس کے مطابق نوجوت سنگھ سدھو کے میڈیا ایڈوائزر نے کہا ہے کہ پنجاب کانگریس کے صدر نوجوت سنگھ سدھو 20 نومبر کو کرتارپور کا دورہ کریں گے۔‘

نوجوت سنگھ سدھو کا 2019 میں کرتارپور کے افتتاح کے بعد یہ دوسرا دورہ ہوگا۔

سدھو نے 2019 کے آخر میں کرتارپور کا دورہ کیا تھا جب وزیراعظم عمران خان نے اُنہیں باضابطہ طور پر مدعو کیا تھا۔

کرتارپور راہداری ایک سال دس ماہ کے بعد کھول دی گئی۔

2019 میں نوجوت سنگھ سدھو کا کہنا تھا کہ وہ دربار صاحب کی افتتاحی تقریب میں شرکت کے لیے بے قرار ہیں، دنیا بھر میں بسنے والے کروڑوں سکھ اپنی مقدس دھرتی کی زیارت کے لیے بے تاب ہیں۔

انہوں نے مزید کہا تھا کہ وہ حکومتِ پاکستان خصوصاً وزیرِ اعظم عمران خان کے شکر گزار ہیں، جو بابا گرونانک کے جنم دن کے تاریخی موقع پر دربار صاحب کا افتتاح کر رہے ہیں۔ 

واضح رہے کہ بابا گرونانک کے 552ویں جنم دن کی مرکزی تقریب ننکانہ صاحب میں ہوگی۔

بھارت نے 16 مارچ 2020 سے کرتارپور راہداری کورونا وائرس کے باعث بند کی تھی۔

بشکریہ جنگ
You might also like

Comments are closed.