نارکوٹکس کے معاملے پر خدشات ہیں کہ اس طرف توجہ نہیں دی گئی، رانا ثناء اللہ

وفاقی وزیر داخلہ رانا ثناء اللّٰہ نے کہا ہے کہ نارکوٹکس کے معاملے پر خدشات ہیں کہ اس طرف توجہ نہیں دی گئی۔

لاہور میں میڈیا سے گفتگو میں رانا ثناءاللّٰہ نے کہا کہ وزیراعظم سے صحافیوں کی ملاقات میں منشیات کی فروخت کا معاملہ سامنے آیا ہے۔

انہوں نے کہا کہ نارکوٹکس کو کنٹرول کرنے والے اداروں نے مؤثر انداز میں کام نہیں کیا۔

وزیر داخلہ نے مزید کہا کہ نشے کے عادی افراد سے متعلق سی سی پی او لاہور سے بات کروں گا، منشیات کی روک تھام سے متعلق بھرپور ایکشن ہوگا۔

اُن کا کہنا تھا کہ اے این ایف، پولیس اور دیگر کو ایک معاشرے کے طور پر کردار ادا کرنا چاہیے۔

بشکریہ جنگ