ملک میں کورونا پھر پھیلنے لگا، نئے 435 مریض رپورٹ

ملک میں کورونا کیسز میں روزانہ کی بنیاد پر اضافہ جاری ہے، گزشتہ 24 گھنٹے کے دوران مثبت کیسز کی شرح بڑھ کر 3 اعشاریہ 2 فیصد ہوگئی۔

قومی ادارۂ صحت کے مطابق گزشتہ روز 13 ہزار 644  کورونا ٹیسٹ کئے گئے جس کے بعد 435 افراد میں کورونا وائرس کی تصدیق ہوئی۔

قومی ادارہ صحت کے مطابق مزید 1 کورونا کا مریض انتقال کر گیا، جبکہ 87 کورونا مریضوں کی حالت تشویشناک ہے۔

واضح رہے کہ گزشتہ روز کورونا وائرس کے کیسز کی شرح 2 اعشاریہ 22 فیصد ریکارڈ کی گئی تھی۔

بشکریہ جنگ