ملازمت نہ ملنے کی وجہ درخواست گزار کا فون نمبر

جب ایک ایمپلائر کے پاس ملازمین اپنی درخواستیں لے کر آتے ہیں تو انہیں ان کی صلاحیتوں اور کام کی ضرورت کو مدِ نظر رکھتے ہوئے ملازمت دی جاتی ہے یا مسترد کیا جاتا ہے۔ 

لیکن چین کی کمپنی کا منیجر اس وقت لوگوں کی توجہ کا مرکز بنا جب اس نے درخواست گزار کے فون نمبر میں ’بدقسمت‘ ہندسہ دیکھ کر اسے مسترد کیا۔ 

چین کی تعلیم سے متعلق کام کرنے والی کمپنی کے منیجر نے درخواست گزاروں کو صرف اس لیے مسترد کیا کیونکہ ان کے موبائل فون نمبرز کا پانچواں ہندسہ 5 تھا اور یہ منیجر 5 کے ہندسے کو اپنے لیے بدقسمتی سمجھتا تھا۔ 

یہی وجہ ہے کہ چینی صوبے شینزین میں موجود اس کمپنی نے منیجر نے ان درخواست گزاروں کو مسترد کیا، جبکہ ان کا یہ اقدام دنیا کی نظروں میں آنے کے بعد انہیں شدید تنقید کا سامنا کرنا پڑ رہا ہے۔ 

منیجر کے اس اقدام کے بعد چین میں ایک مرتبہ پھر توہم پرستی کو لے کر بحث چھڑ گئی، جہاں توہم پرستی اب بھی کئی لوگوں کی زندگی کا حصہ ہے۔ 

سوشل میڈیا پر کمپنی سے متعلق کہا جارہا ہے کہ یہ کمپنی ان لوگوں کو ملازمت نہیں دیتی جن کے فون نمبرز کا پانچواں ہندسہ 5 ہو۔ 

بشکریہ جنگ