مقبوضہ کشمیر میں بھارتی فورسز نے نام نہاد دہشتگردی فنڈنگ کیس کی آڑ میں 15 مقامات پر چھاپے مارے ہیں۔
ضلع پونچھ، جموں اضلاع، اننت ناگ، پلوامہ، کپواڑہ اور سری نگر میں چھاپے مارے جا رہے ہیں۔
دوسری جانب حریت کانفرس نے سرینگر میں جی 20 اجلاس کے خلاف 22 مئی کو مکمل ہڑتال کی کال دے دی ہے۔
حریت کانفرنس کا کہنا ہے کہ سرینگر میں جی 20 اجلاس منعقد کرنا بین الاقوامی قوانین کی خلاف ورزی ہے، مقبوضہ کشمیر بھارت کاحصہ نہیں یہ بین الاقوامی سطح پر تسلیم شدہ متنازع علاقہ ہے۔
اس حوالے سے حریت کانفرنس نے کہا ہے کہ متنازع علاقے میں بین الاقوامی تقریب اقوامِ متحدہ کے چارٹر کی بھی خلاف ورزی ہے۔
واضح رہے کہ بھارت 22 مئی سے سرینگر میں جی 20 اجلاس کا انعقاد کر رہا ہے۔
Comments are closed.