لوٹ مار کے کلچر کو دفن کر دیا ہے، وزیراعلیٰ پنجاب

وزیراعلیٰ پنجاب عثمان بزدار کا کہنا ہے کہ ماضی میں قومی وسائل کو بے دردی سے لوٹا گیا، پاکستان کو لوٹنے والوں کی سیاست ختم ہوچکی ہے، ہم نے لوٹ مار کے کلچر کو دفن کر دیا ہے۔

ایک بیان میں وزیراعلیٰ پنجاب کا کہنا تھا کہ افراتفری پھیلانے والے عناصر کے باوجود ترقی کا سفر جاری رکھے ہوئے ہیں۔

وزیراعلی پنجاب عثمان بزدار کی معاون خصوصی ڈاکٹر فردوس عاشق اعوان کا کہنا ہے کہ کنیزوں کی چتر چالاکیاں خودنمائی کے سوا کچھ نہیں، جعلی راجکماری کے اشاروں پر اچھل کود کنیزوں کی نوکری کا حصہ ہے۔

انہوں نے کہاکہ رکاوٹوں کے باوجود عوامی خدمت کے سفر میں رکاوٹ نہیں آنے دی، نئے عزم اور جذبے کے ساتھ آگے بڑھ رہے ہیں۔

عثمان بزدار کا کہنا تھا کہ وزیراعظم کی قیادت میں نئے پاکستان کی منزل کی جانب بڑھ رہے ہیں، عوام اپوزیشن کی منفی سیاست ہمیشہ کے لئے مسترد کر چکے ہیں۔

بشکریہ جنگ