فیصل آباد: میں لڑکیوں کو ہراساں کرنے کی ویڈیو سامنے آگئی

فیصل آباد میں بھی نوجوان لڑکیوں کو گلی میں اکیلے پا کر ہراساں کرنے کا واقعہ پیش آیا ہے، بہادر لڑکی نے نوجوان کو ڈانٹ دیا۔

 گرونانگ پورہ کے علاقے میں پیش آنے والے واقعہ کی سی سی ٹی وی منظر عام پر آ گئی، جس میں دیکھا جا سکتا ہے کہ ایک گلی میں نوجوان لڑکیوں سے قریب سے گزرنے والا اوباش نوجوان انہیں اکیلے پا کر ہراساں کر تا ہے۔

ویڈیو میں دیکھا جا سکتا ہے کہ موٹر سائیکل سوار راہ چلتی خاتون کو ہراساں کرکے فرار ہوجاتا ہے۔

جس پر متاثرہ لڑکی مزاحمت کرتی ہوئی پلٹ کر نوجوان کو ڈانٹتی ہے۔

سی سی ٹی وی میں نظر آنے والی ویڈیو سے شناخت ممکن ہونے کے باوجود ابھی تک ملزم کے خلاف کسی قسم کی کارروائی عمل میں نہیں آسکی ہے۔

بشکریہ جنگ