عدالت نے تفتیشی افسر کو احاطہ عدالت میں پونچھا لگانے کی سزا سنا دی

کراچی کی عدالت نے رپورٹ خود جمع نہ کروانے پر تفتیشی افسر کو احاطہ عدالت میں پونچھا لگانے کی سزا دے دی۔

 ماتحت پولیس اہلکار کے ہاتھوں رپورٹ عدالت میں جمع کروانا تفتیشی افسر کو مہنگا پڑ گیا۔ عدالت نے سرجانی ٹاؤن کے تفتیشی افسر کو ہھتکڑی لگا کر فرش صاف کروانے کی ہدایت کردی۔

تفتیشی افسر نے رپورٹ خود جمع کرانے کے بجائے ماتحت اہلکار کے ہاتھ بھیج دی تھی، تفتیشی افسر کی ہتھکڑی لگا کر فرش صاف کرنے کی ویڈیو سوشل میڈیا پر وائرل ہوگئی۔

جوڈیشل مجسٹریٹ عبداللّٰہ قادری اس سے قبل پولیس اہلکاروں کو اس قسم کی سزائیں دے چکے ہیں۔

عدالتی ذرائع کا کہنا ہے کہ تفتیشی افسر کی وائرل ویڈیو 15 سے 20 دن پرانی ہے۔

بشکریہ جنگ