بدھ14؍شوال المکرم 1442ھ26؍مئی 2021ء

شیخ رشید سے سعودی سفیر کی سربراہی میں وفد کی ملاقات

وفاقی وزیر داخلہ شیخ رشید سے سعودی سفیر نواف بن سعود کی سربراہی میں وفدنے ملاقات کی ہے۔

اسلام آباد میں ہونے والی ملاقات کا اعلامیہ جاری کردیا گیا ہے، جس کے مطابق اس موقع پر پاک سعودی تعلقات، باہمی دلچسپی سمیت دیگر امور پر گفتگو ہوئی۔

اعلامیہ کے مطابق ملاقات میں کراچی میں سعودی سفارت کار پر دہشت گردی کے واقعےکی تحقیقات جلد مکمل کرنے پر اتفاق ہوا ہے۔

وزیر داخلہ شیخ رشید نے بھارتی آبدوز کا سراغ لگانے پر پاک بحریہ کو سلام پیش کیا ہے۔

دوران گفتگو سعودی وفد نے کہا کہ پاک سعودی تعلقات تاریخی ہیں، جن پر دونوں ملکوں کوفخر ہے۔

انہوں نے مزید کہا کہ وزارت داخلہ کا پاک سعودی باہمی تعلقات کے فروغ میں کردار قابل ستائش ہے۔

وزیر داخلہ شیخ رشید نے کہا کہ سندھ حکومت کی مشترکا تحقیقاتی ٹیم 30 دن میں رپورٹ پیش کرے گی، واقعے میں ملوث تمام افرد کو جلد قانون کے کٹہرے میں لایا جائے گا۔

انہوں نے کہا کہ سعودی سفارت کار پر 2011 ءمیں دہشت گردی کا واقعہ بہت افسوسناک تھا، پاکستان اور سعودی عرب کے تعلقات باہمی اعتماد اور بھائی چارے پر ہیں۔

بشکریہ جنگ
You might also like

Comments are closed.