بدھ14؍شوال المکرم 1442ھ26؍مئی 2021ء

شہباز شریف کیخلاف ریفرنسز پر کارروائی ملتوی

لاہور کی احتساب عدالت نے مسلم لیگ نون کے صدر اور قومی اسمبلی میں قائدِ حزبِ اختلاف میاں شہباز شریف کے خلاف منی لانڈرنگ، رمضان شوگر مل اور آشیانہ ریفرنسز پر کارروائی 16 اگست تک ملتوی کر دی۔

لاہور کی احتساب عدالت کے جج شیخ سجاد نے ریفرنسز کی سماعت کی۔

لاہور کی احتساب عدالت نے ہوم سیکرٹری کو دو روز میں شہباز شریف کی کورونا ویکسی نیشن کروانے کا حکم دے دیا۔

دورانِ سماعت شہباز شریف نے عدالت میں بیان دیا کہ میں نے قوم کے اربوں روپے بچائے، بجلی کے منصوبے میرے بھائی نواز شریف کی نگرانی میں لگائے گئے۔

شہباز شریف نے اپنی کارگردگی سے متعلق کتابچہ جج کو دیا اور کہا کہ ہمارے دورِ حکومت میں بجلی کافی تھی اور سستی ترین تھی، یہ حقیر خدمت ہے اور ہم نے قوم کی خدمت کی ہے۔

جج شیخ سجاد نے ان سے سوال کیا کہ کیا آپ نے اپنی کارگردگی سے متعلق رپورٹ نیب کے تفتیشی افسر کو دی تھی؟

لاہور(نمائندہ جنگ)احتساب عدالت لاہور کے ڈیوٹی جج…

شہباز شریف نے جوبا دیا کہ بالکل، سارا ریکارڈ نیب کو فراہم کیا تھا، میں یہاں کوئی سیاسی بات نہیں کروں گا۔

شہباز شریف جج کا شکریہ ادا کر کے احتساب عدالت لاہور سے روانہ ہو گئے۔

بشکریہ جنگ
You might also like

Comments are closed.