شاداب خان نے عامر جمال کو کیا مشورہ دیا؟
پاکستانی کرکٹ ٹیم کے کھلاڑی شاداب خان نے گزشتہ روز پاک انگلینڈ سیریز کے دوران انٹرنیشنل ڈیبیو کرنے والے آل راونڈر عامر جمال کو مشورہ دیا ہے۔
شاداب خان نے عامر جمال کو بین الاقوامی کرکٹ ٹیم میں خوش آمدید کہا ہے۔
شاداب خان کا اپنی انسٹاگرام پوسٹ پر لکھنا ہے کہ کوئی بھی صورتحال ہو گرنا نہیں ہے، بطور ٹیم کوشش کرنے پر مجھے اپنی ٹیم پر فخر ہے۔
شاداب خان نے لکھا ہے کہ انگلینڈ جیسی معیاری ٹیموں کے خلاف کھیلنا ہمیشہ مشکل ہوتا ہے لیکن ہم ہمیشہ اپنی صلاحیتوں پر یقین رکھتے ہیں، یہ جیت تمام شائقین کے لیے ہے۔
شاداب خان نے عامر جمال کے ساتھ انسٹااستوری پر بھی تصویر اپلوڈ کرتے ہوئے لکھا ہے کہ ’گرنا نہیں ہے‘۔
واضح رہے کہ انگلینڈ کے خلاف پانچویں ٹی ٹوئنٹی میچ میں انٹرنیشنل ڈیبیو کرنے والے آل راونڈر عامر جمال کا گزشتہ روز میچ کے بعد انٹرویو میں کہنا تھا کہ آخری اوور میں اپنے اعصاب پر قابو رکھا جس کی وجہ سے کامیابی ملی۔
جیو نیوز سے گفتگو کرتے عامر جمال کا کہنا تھا کہ اندازہ تھا 10 سے زیادہ رنز ہوئے تو دفاع کرنے میں کامیاب ہوجاؤں گا۔
Comments are closed.