سندھ ہائیکورٹ کراچی میں ٹریفک قوانین کی خلاف ورزی پر برہم

سندھ ہائی کورٹ نے کراچی میں ٹریفک قوانین کی خلاف ورزی پر برہمی کا اظہار کرتے ہوئے کہا کہ شہر میں جنگل کا قانون ہے۔

جسٹس ندیم اختر نے ڈی آئی جی ٹریفک سے سوال کیا کہ ہیوی ٹریفک سے متعلق عدالتوں کے احکامات کا علم ہے؟

ڈی آئی جی نے بتایا کہ رات 11 سے صبح 6 بجے تک ہیوی ٹریفک شہر میں جا سکتا ہے۔

درخواست گزار نے عدالت کو بتایا کہ موبائل صارفین کے شناختی کارڈ نمبرز، مکمل ایڈریس اور دیگر ڈیٹا شامل ہے۔

ڈی آئی جی ٹریفک نے کہا کہ بڑی گاڑیوں پر جرمانے کی رقم بہت کم ہے، موٹرسائیکل کو بھی اتنا جرمانہ ہوتا ہے جتنا 32 وہیلر کو ہوتا ہے۔

جسٹس ندیم اختر نے ریمارکس دیتے ہوئے کہا کہ پولیس والی لائٹس اور فینسی نمبر پلیٹس کے خلاف کوئی کارروائی نہیں کی جا رہی۔

جسٹس ندیم اختر نے یہ بھی کہا کہ ایم این اے یا ایم پی ایز ہوں کسی کے دباؤ میں نہ آئیں، خلاف ورزی کرنے والوں کی گاڑیاں بند کریں۔

ڈی آئی جی ٹریفک نے قوانین کی خلاف ورزی پر مقدمہ درج کرانے کی یقین دہانی کرا دی۔

بشکریہ جنگ