سرگودھا کے قبرستان میں پولنگ اسٹیشن قائم
کنٹونمنٹ بورڈ کے انتخابات کے سلسلے میں پنجاب کے شہر سرگودھا کے قبرستان میں پولنگ اسٹیشن قائم کر لیا گیا۔
سرگودھا میں کنٹونمنٹ بورڈ کے انتخابات کے لیے وارڈ نمبر 9 کے 2 پولنگ اسٹیشن قبرستان میں بنائے گئے ہیں۔
سرگودھا کی باجوہ کالونی کے قبرستان میں قائم دونوں عارضی پولنگ اسٹیشنوں میں ووٹرز کی گہما گہمی نظر آ رہی ہے۔
الیکشن کمیشن کے مطابق سرکاری عمارت دستیاب نہ ہونے کی وجہ سے قبرستان میں 2 پولنگ اسٹیشن شامیانے لگا کر بنائے گئے ہیں۔
واضح رہے کہ ملک بھر میں کنٹونمنٹ بورڈز کے انتخابات کے سلسلے میں ووٹنگ کا عمل جاری ہے، بڑی تعداد میں ووٹرز اپنے گھروں سے نکل کر ووٹ ڈالنے آ رہے ہیں۔
آج صبح 8 بجے شروع ہونے والا پولنگ کا عمل شام 5 بجے تک بغیر وقفے کے جاری رہے گا۔
بشکریہ جنگ
Comments are closed.