شہباز شریف کی سردار اختر مینگل کے والد کی وفات پر تعزیت

مسلم لیگ ن کے صدر اور قومی اسمبلی میں قائد حزب اختلاف محمد شہباز شریف نے بی این پی کے سربراہ سردار اختر مینگل کو فون کرکے ان کے والد سردار عطا اللّہ مینگل کی وفات پر تعزیت کی ہے۔

شہباز شریف نے اختر مینگل سے بات کرتے ہوئے کہا کہ ان کے والد سردار عطا اللّہ مینگل نے تمام عمر بلوچ عوام کےحقوق کی جدوجہد کی۔

شہباز شریف نے کہا کہ سردار عطا اللّہ مینگل بااصول انسان تھے، ملک و قوم کے لیے ان کی خدمات یاد رکھی جائیں گی۔

نون لیگ کے صدر نے سردار عطا اللّہ مینگل کے لیے فاتحہ خوانی اور دعا بھی کی۔

دوسری جانب سردار اختر مینگل نے فون کرنے پر شہباز شریف کا شکریہ ادا کیا۔

بشکریہ جنگ