روپے کی قدر میں بہتری، پیٹرولیم مصنوعات سستی ہونے کا امکان، ذرائع

روپے کی قدر میں بہتری کے اثرات کے بعد 16 اکتوبر سے پیٹرولیم مصنوعات کی قیمتیں کم ہونے کا تخمینہ لگایا گیا ہے۔

انڈسٹری ذرائع کے مطابق پیٹرول کی قیمت میں 10 سے 15 روپے فی لیٹر کمی ہوسکتی ہے۔

اسی طرح ڈیزل کی قیمت میں 2 روپے فی لیٹر کمی کا امکان ہے۔

ذرائع کے مطابق آئی ایم ایف کے پیٹرولیم سبسڈی پر تحفظات کے بعد قیمتوں میں کمی موخر ہوسکتی ہے۔

امریکی ڈالر کی قدر میں مسلسل گراوٹ کے بعد آج پھر اضافہ دیکھنے میں آ رہا ہے جبکہ پاکستانی روپے کی قدر کو ایک بار پھر خطرات لاحق ہو گئے ہیں۔

ذرائع کا کہنا ہے کہ قیمتوں کی کمی پی ڈی ایل کی مد میں استعمال ہوسکتی ہے۔

گزشتہ روز انٹر بینک میں کاروبار کے اختتام پر ڈالر 50 پیسے مہنگا ہونے کے بعد 218 روپے 38 پیسے کا ہو گیا تھا۔

بشکریہ جنگ