افغانستان کے لیے پاکستان کے خصوصی نمائندے محمد صادق مستعفی

افغانستان کے لیے پاکستان کے خصوصی نمائندے محمد صادق نے استعفیٰ دے دیا، محمد صادق نے مستعفی ہونے کے فیصلے کی تصدیق کردی ہے۔

اپنے بیان میں انہوں نے کہا کہ افغانستان کے لیے بطور نمائندہ خصوصی پاکستان تقریباً 3 سال خدمات انجام دیں۔

محمد صادق نے کہا کہ حکومت سے درخواست کی ہے اب وقت آگیا ہے، ذاتی کاموں پر توجہ مرکوز کروں۔

ان کا مزید کہنا تھا کہ بطور خصوصی نمائندے مکمل حمایت کرنے پر وہ وزیراعظم اور تمام دیگر اسٹیک ہولڈرز کے شکر گزار ہیں۔

بشکریہ جنگ