بدھ14؍شوال المکرم 1442ھ26؍مئی 2021ء

اسٹرازنیکا کی ایک اور کھیپ پاکستان پہنچ گئی

کوویکس کے تحت اسٹرازنیکا ویکسین کی ایک اور کھیپ پاکستان  پہنچ گئی ہے۔

ترجمان وزراتِ صحت ساجد شاہ  کے مطابق اسٹرازنیکا ویکسین کی 12 لاکھ 36 ہزار خوراکیں اسلام آباد پہنچائی گئی ہیں، کوویکس کے تحت پاکستان کو اسٹرازنیکا ویکسین بطور امداد ملی ہے۔

ساجد شاہ کے مطابق کوویکیس کے تحت اسٹرازنیکا ویکسین کی یہ چوتھی کھیپ ہے، کوویکس کے تحت اسٹرازنیکا ویکسین کی پہلی کھیپ میں پاکستان کو 12 لاکھ 38 ہزارخوراکیں ملی تھیں۔

کوویکس کے تحت فائزر ویکیسن کی ایک لاکھ 6 ہزار خوراکیں بھی پاکستان کو مل چکی ہیں۔

ساجد شاہ کا کہنا ہے کہ پاکستان کو امریکا سے بطور امداد موڈرنا ویکسین کی 25 لاکھ خوراکیں بھی کوویکس پلیٹ فارم کے تحت ملی ہیں۔

بشکریہ جنگ
You might also like

Comments are closed.